काठमाडौं (हाम्रो खेलकुद) – एभिएमकी वियंका राई र एपिएमका आशिष मेहता १६ औं हरेराम जोशी मेमोरियल खुला टेबुल टेनिस प्रतियोगिताको १६ वर्ष मुनिमा च्याम्पियन बनेका छन् ।
महिलातर्फको फाइनलमा वियंकाले एभिएमकै इभाना थापा मगरलाई ११–७,११–५,११–७ को ३–० ले पराजित गर्दै उपाधि जितेकी थिइन् । एभिएम आसम पहाडी र प्रोक्सीमा नर्भदा खैतु संयुक्त रुपमा तेस्रो भएकी छन् ।
पुरुषतर्फको फाइनलमा आशिषले एपिएमका विशाल थापालाई ११–६, ११–८, ११–९ को सोझो सेटमा हराउँदै उपाधि जितेका थिए । एभिएमका आयुष ताम्राकार र ऐलेन महर्जन संयुक्त रुपमा तेस्रो भएका छन् ।
हरेराम जोशी मेमोरियल फाउन्डेसनले आयोजना गरेको प्रतियोगिताका विजेता खेलाडीलाई ललितपुर महा नगरपालिका मेयर चिरीबाबु महर्जनले पुरस्कृत गरे ।
