युईएफए युरोपा लिग फुटबलमा आर्सनल पराजित भएको छ ।
गयराति भएको खेलमा आर्सनल पीएसभीसँग २–० गोल अन्तरले पराजित भएको हो ।
पीएसभीलाई जिताउनका लागि जोय वरमेन र लुक डी जोङले एक एक गोल गरे ।
पहिलो हाफ गोलरहित बराबरीमा सकिएको खेलमा दुवै गोल दोस्रो हाफमा निस्किएका थिए ।
५५ औं मिनेटमा जोय बरमेनले गोल गर्दै पीएसभीलाई अग्रता दिलाए ।
६३ औं मिनेटमा लुक डी जोङले गोल गरेपछि अग्रता दोब्बर भयो ।
२ गोलले पछि परेको आर्सनलले खेलमा फर्कनका लागि प्रयास गरे पनि असफल रह्यो ।
समूह एमा रहेको आर्सनल पराजित भए पनि शीर्ष स्थानमा रहेको छ ।
आर्सनलको ५ खेलबाट १२ अंक भएको छ भने जित निकालेको पीएसभी १० अंकका साथ दोस्रो स्थानमा रहेको छ ।
यही समूहमा रहेको बोडो गिलमिट तेस्रो तथा जुरिच चौथो स्थानमा रहेको छ ।
गयराति भएको खेलमा बोडोले जुरिचसँग २–१ गोल अन्तरको हार व्यहोरेको थियो ।
