इंग्लिस क्लब म्यानचेस्टर युनाइटेड युइएफए युरोपा लिगको अन्तिम आठमा प्रवेश गर्न सफल भएको छ ।
गयराति भएको दोस्रो लेगमा स्पेनिस क्लब रियल बेटिसमाथि १-० गोल अन्तरको जित दर्ता गरेको थियो । पहिलो लेगमा ४-१ को जित दर्ता गरेको थियो ।
गयराति युनाइटेडलाई जित दिलाउन मार्कस रासफोर्डले गरेको १ मात्र गोल नै निर्णायक बन्न पुग्यो ।
पहिलो हाफ बराबरीमा सकिएको खेलमा रासफोर्डले दोस्रो हाफमा गोल गरेका हुन् । कासिमिरोको पासमा रासफोर्डले ५५ औं मिनेटमा गरेको गोल नै उक्त खेलको निर्णायक गोल रहेको थियो ।
यस्तै गयराति फेनब्रेचले सेभिल्लालाई १-० गोल अन्तरले पराजित गरे पनि पहिलो लेगको नतिजाका आधारमा सेभिल्ला २-१ ले अघि रहँदै अन्तिम ८ मा पुग्न सफल भयो ।
यस्तै फेनोर्डले सख्तर डोनेस्कलाई ७-१ ले स्तब्ध बनायो ।
समग्रमा फोनोर्ड ८-२ को जितका साथ क्वाटरफाइनलमा प्रवेश गर्न सफल भयो ।
त्यस्तै युनियन साइन्ट गिलोइसले युनियन बर्लिनमाथि ३-० को जित हात पारेको छ ।
समग्रमा युनियन साइन्ट ६-३ ले अघि रहँदै अन्तिम ८ मा प्रवेश गरेको छ ।
