इंग्लिस प्रिमियर लिगमा म्यानचेस्टर युनाइटेडले जित निकालेको छ । युनाइटेडले घरेलु मैदानमा वेस्ट ह्याम युनाइटेडलाई १–० ले पराजित गरेको हो ।
युनाइटेडको जितमा मार्कुस रासफोर्डले पहिलो हाफमा गरेको गोल नै निर्णायक बन्यो । उनले ३८औं मिनेटमा क्रिष्टियन एरिक्सनको पासमा गोल गर्न सफल भएका थिए ।
ओल्ड ट्राफोर्डमा आइतबार राति भएको प्रतिस्पर्धात्मक खेलमा दुवै टोलीले गोलका केही अवसर सिर्जना गरेपनि थप गाल निस्कन नसक्दा पहिलो हाफको गोल नै युनाइटेडको जितमा पर्याप्त बन्यो ।
यस जितसँगै युनाइटेड १२ खेलबाट २३ अंक जोडेर पाँचौं स्थानमा उक्लिएको छ । पराजित वेस्ट ह्याम १४ अंक जोडेर १३औं स्थानमा रहेको छ ।
