शीर्ष दौडमा रहेको म्यानचेस्टर युनाइटेड इंग्लिस प्रिमियर लिगमा रेलिगेसन जोनमा संघर्ष गरिरहेको साउथह्याम्टनसँग बराबरीमा रोकिएको छ ।
१० खेलाडीमा समेटिएको म्यानचेस्टर युनाइटेड घरेलु मैदानमा साउथह्याम्टनसँग गोलरहित बराबरीमा रोकिदै अंक बाड्न बाध्य बनेको हो ।
ओल्ड ट्राफोर्डमा आइतबार राति भएको प्रतिस्पर्धात्मक खेलको पहिलो हाफमा नै घरेलु टोली १० खेलाडीमा समेटिन पुगेको थियो । ३४औं मिनेटमा युनाइटेड १० खेलाडीमा समेटिन पुगेको थियो ।
कार्लाेस अल्कारेजमाथि फउल गरेपछि रेफ्रीले सुरुवातमा पहेलो कार्ड देखाएपनि पछि भिएआरको सहायतामा रातो काडै देखाउँदै मैदान बाहिर पठाएपछि युनाइटेड १० खेलाडीमा समेटिएर खेल्नु परेको थियो ।
१० खेलाडीमा समेटिएपनि युनाइटेडले साउथह्याम्टनलाई बलियो चुनौती पेश गरेपनि गोल गर्न नसक्दा बराबरीमा रोकिन पुग्यो ।यस बराबरीसँगै तेस्रो स्थानमा रहेको युनाइटेडको २६ खेलबाट ५० अंक पुगेको छ ।
युनाइटेड शीर्षस्थानको आर्सनलसँग १६ तथा दोस्रो स्थानको म्यानचेस्टर सिटीसँग ११ अंकले पछि छ । चौथो स्थानको टोटेनहमसँग २ अंकले अघि छ । टोटेनहमले एक खेल बढी खेलेको छ । साउथह्याम्टन २२ अंक जोडेर पुछारमा छ ।
अन्य नतिजा
फुलहमविरुद्ध आर्सनल (०–३)
वेस्टह्यामविरुद्ध एस्टन भिल्ला (१–१)
