गत सिजनको प्रिमियर लिगको उपाधि जितपछि म्यानचेष्टर सिटिका फ्यानहरूले मैदान प्रबेश गरेपछि म्यानचेस्टर सिटीलाई फुटबल संघले आरोप लगाएको छ ।
सिटीसँग उक्त आरोपको जवाफ दिन बिहीबार २५ अगस्टसम्मको समय छ ।
इतिहाद स्टेडियममा लिगको अन्तिम खेलमा एस्टन भिल्लालाई ३(२ ले हराएर सिटिले पाँच सिजनमा चौथो उपाधि जित्दा हजारौं संख्यामा सिटी फ्यानहरू मैदान पसेका थिए।
एस्टन भिल्लाका गोलरक्षक रोबिन ओल्सेनलाई डिसअर्डरको समयमा आक्रमण गरिएको थियो र क्रसबार पनि भाँचिएको थियो।
एस्टन भिल्लाविरुद्ध अन्तिम १५ मिनेट बाँकी रहँदा २–० ले पछि परेको सिटीले पाँच मिनेटमा तीन गोल गर्दै लिभरपुलभन्दा एक अंकले अगाडि रहँदै उपाधि जितेकोे थियो ।
