स्पेनिस ला लिगा फुटबलमा बार्सिलोना विजयी भएको छ। गयराति भएको खेलमा बार्सिलोनाले भिल्लारियललाई ३–० गोल अन्तरले पराजित गरेको हो।
विजयी भएको बार्सिलोना २५ अंकका साथ ला लिगाको दोस्रो स्थानमा रहेको छ। बार्सिलोनाको जितमा रोवर्ट लेवान्डोस्कीले २ गोल गर्दा अन्सु फातिले १ गोल थपेका थिए।
घरेलु मैदान नाउक्याम्पमा ३१ औं मिनेटमा लेवान्डोस्कीले जोडी अल्भाको पासमा गोल गर्दै बार्सिलोनलाई अग्रता दिलाएका थिए।
३५ औं मिनेटमा गाभीको पासमा उनै लेवान्डोस्कीले व्यक्तिगत र बार्सिलोनाका लागि दोस्रो गोल गरेका थिए।
२ गोलको अग्रता लिएको ३ मिनेट पछि अन्सु फातिलो गोल गर्दै बार्सिलोनालाई पहिलो हाफमै ३–० को सहज अवस्थामा पुर्याए।
सोही अग्रता कायम राख्दै बार्सिलोनाले स्पष्ट ३ अंक लिन सफल भयो।
ला लिगा अन्तर्गत अन्य खेलमा ओसासुनाले स्पान्योलमाथि १–० को जित दर्ता गर्दा एलमेरियाले जिरोनामाथि ३–२ गोलको कठिन जित दर्ता गरेको छ।
