इंग्लिस प्रिमियर लिग फुटबलमा आर्सनलले विजयी सुरुआत गरेको छ ।
आज भएको खेलमा नटिङघम फरेस्टलाई २–१ गोल अन्तरले पराजित गर्दै आर्सनलले स्पष्ट ३ अंक जोड्न सफल भयो ।
आर्सनलको जितमा एडवार्ड निकेतियाले र बकायो साकाले एक एक गोल गर्दा ताइवो माइकल अवोनीले एक गोल फर्काएका थिए ।
आर्सनलले घरेलु मैदान इमिरेट्समा २६ औं मिनेटमा अग्रता लिएको थियो ।
एडवार्डले गोल गर्दै अग्रता दिलाएका थिए ।
३२ औं मिनेटमा बकायो साकाले गोल गरेपछि आर्सनलले अग्रता दोब्बर बनाएको थियो ।
तर, ८२ औं मिनेटमा नटिङघम फरेस्टले १ गोल फर्काएको थियो । उसका लागि ताइबो अवोनीले फर्काए पनि हार टार्न भने पर्याप्त रहेन ।
