केन्या भ्रमणमा रहेको नेपाली राष्ट्रिय क्रिकेट टिम लगातार दोस्रो जीतको खोजीमा रहेको छ ।
नेपाली टिम ५ खेलको टी २० सिरिज र ३ खेलको एक दिवसीयका लागि अहिले केन्याको राजधानी नैरोबीमा रहेको छ ।
आज नेपाली टिमले घरेलु टोली केन्यासँग दोस्रो टी २० खेल्दै छ ।
यो खेल नेपाली समय अनुसार अपरान्ह पौने ४ वजे सुरु हुने छ ।
पहिलो खेलमा विहीबार ५ विकेटको जीत दर्ता गरेको नेपाल आज पनि जीत निकाल्दै सिरिजमा २–० को अग्रता लिने लक्ष्यमा हुँदा, लामो समयपछि घरेलु मैदानमा अन्तर्राष्ट्रिय प्रतियोगिता खेलेको केन्या भने पहिलो जीतको खोजिमा रहने छ ।
सन् २०१० पछि केन्याले घरेलु मैदानमा पहिलो पटक अन्तर्राष्ट्रिय सिरिज खेलिरहेको छ । तेस्रो टी २० आइतबार हु ने छ भने चौथो सोमबार र पाँचौं तथा अन्तिम टी २० मंगलबार आयोजना हुने छ ।
त्यसपछि नेपालले ३ म्याचको एक दिवसीय सिरिज पनि खैल्ने छ ।
