नेपालले बंगलादेशलाई झट्काको सामना गराउँदै सानदार बलिङको प्रदर्शन

नेपालले ट्वान्टी-२० विश्वकप क्रिकेटमा बंगलादेशविरुद्ध सानदार बलिङ प्रदर्शन गर्दै कम स्कोरमा आउट गरेको छ। खेलकुदका प्रशंसकहरूको मन जित्दै नेपालले आफ्नो टोलीको कडा मेहनत र बलिदानलाई पुनः पुष्टि गरेको छ।

स्पिनरहरूको चम्किलो प्रदर्शनपछि नेपालले टस जितेर ब्याटिङमा निम्त्याएको बंगलादेशलाई १९.३ ओभरमा १०६ रनमा अलआउट गरेको हो। सेन्ट भिन्सेन्टस्थित आर्नोस भेल मैदानमा सोमपाल कामी, रोहित पौडेल, दीपेन्द्रसिंह ऐरी र सन्दीप लामिछानेले २-२ विकेट लिएर बंगलादेशविरुद्ध सामान्य लक्ष्य पाएको हो।

नेपालले सानदार सुरुआत गरेको थियो। सोमपाल कामीले पहिलो बलमै तान्जिद हसनलाई आउट गरी नेपाललाई स्वर्णिम सुरुआत दिलाएका थिए। दोस्रो ओभरमा दीपेन्द्रसिंह ऐरीले नजमुल हसनलाई ४ रनमा बोल्ड गरे। पाँचौँ ओभरमा सोमपालले लिट्टन दासलाई १० रनमा विकेटकिपर आसिफ शेखबाट क्याच गराए।

पावर प्लेको अन्तिम ओभरमा कप्तान रोहित पौडेल आफैं बलिङमा आएर तोवहिद हृदयलाई सन्दीप लामिछानेबाट क्याच गराएपछि बंगलादेश पावर प्लेमा ३१-४ को स्थितिमा पुगेको थियो। भेट्रान महमदुल्लाहलाई रनआउट गरेपछि नेपालले पहिलो १० ओभरमा बंगलादेशलाई ५७-५ को स्थितिमा रोकेको थियो। शकिब अल हसनले ड्राइभ गरेको बलमा महमदुल्लाह नन स्ट्राइकबाट रनका लागि दौडिएपछि गुलशन झाले सन्दीपमार्फत रन आउट गरेका थिए।

रोहितले अनुभवी शकिबलाई पनि लामो समय टिक्न दिएनन्। रोहितको बलमा बिट भएपछि शकिब १७ रनमा एलबीडब्लु आउट भए। सन्दीपले जाकर अलीलाई १२ र तान्जिम हसन शकिबलाई बोल्ड गरी ट्वान्टी-२० अन्तर्राष्ट्रियमा १०० विकेट लिने पहिलो नेपाली खेलाडी बने। सन्दीपले यो सफलता ५४ खेलमा बनाएका हुन्।

रिशाद हसन ७ बलमा १ चौका र १ छक्का प्रहार गरी १३ रनमा आउट भए। सोमपालले ३ ओभरमा १० रन, रोहितले ४ ओभरमा २० रन, सन्दीपले ४ ओभरमा १ मेडन राख्दै १७ रन र दीपेन्द्रले ३.३ ओभरमा २२ रन खर्चे।

नेपाल पहिलो तीन खेलमा २ हार र एक रद्द खेलको नतिजापछि सुपर ‘एट’ को दौडबाट बाहिरिसकेको छ। बंगलादेशले भने नेपाललाई पराजित गरेमात्र दोस्रो चरणमा स्थान सुरक्षित हुन्छ। नेपालले दक्षिण अफ्रिकाविरुद्धको अघिल्लो खेलबाट करण केसीको स्थानमा सन्दीप जोरालाई खेलाएको छ।

नेपालले दुई दिनअघि यही मैदानमा दक्षिण अफ्रिकालाई ११५ रनमा रोके पनि १ रनको हार बेहोरेको थियो।