बोरुसिया डर्टमुन्डले जर्मन बुन्डेसलिगामा जित निकालेको छ । डर्टमुन्डले घरेलु टोली हर्था बर्लिनमाथि १–० को झिनो जित निकालेको हो ।
डर्टमुन्डको जितमा पहिलो हाफमा एन्थोनी मोडेस्टेले गरेको गोल नै निर्णायक बन्यो । उनले ३२औं मिनेटमा सली ओजानको पासमा गोल गर्न सफल भएका थिए ।
त्यसपछि थप गोल निस्कन नसक्दा पहिलो हाफको गोलमा डर्टमुन्डले बुन्डेसलिगामा तेस्रो जित निकाल्न सफल भयो । यो जितसँगै डर्टमसन्ड ४ खेलबाट ७ अंक जोडेर पाँचौ स्थानमा रहेको छ । पराजित हर्था बर्लिन १ अंक जोडेर १७औं स्थानमा रहेको छ ।
अन्य नतिजा
मेइन्जविरुद्ध लिभरकुसन (०–३), आरबी लाइप्जिगविरुद्ध वल्फ्सवर्ग (२–०), साल्केविरुद्ध युनियन बर्लिन (१–६), होफेनहाइनविरुद्ध अग्सवर्ग (१–०) र बायर्नविरुद्ध बोरुसिया मोन्चेनग्लाडवाक (१–१)
