जर्मन क्लब बार्यन म्युनिखले चेक रिपब्लिकको क्लब एफसी भिक्टोरियालाई युईएफए च्याम्पियन्स लिग फुटबलमा फराकिलो अन्तरले पराजित गरेको छ ।
समूह सीको खेलमा बार्यनले भिक्टोरियालाई ५–० गोल अन्तरले पराजित गरेको हो ।
घरेलु मैदानमा बार्यनले सातौं मिनेटमा अग्रता लिएको थियो । लोरिया सानेले सातौं मिनेटमा गोल गरेका थिए ।
सर्जि ग्यानबेरीले १३ औं मिनेटमा अग्रता दोब्बर पारे ।
यस्तै २१ औं मिनेटमा साडियो मानेले गोल गरेपछि पहिलो हाफमै बार्यनले ३–० को अग्रता लियो ।
५० औं मिनेटमा लोरियो सानेले व्यक्तिगत दोस्रो गोल गर्दा बार्यन ४–० ले अघि बढ्यो भने ५९ औं मिनेटमा इरिक मोटिङले टिमका लागि पाँचौं गोल गरेका थिए ।
बार्यन च्याम्पियन्स लिगमा अपराजित रहेको छ ।
३ खेलबाट ९ अंक जोड्दै शीर्ष स्थानमा छ ।
यही समूहमा रहेको इन्टर मिलानले बार्सिलोनामाथि १–० गोल अन्तरको जित दर्ता गरेको छ ।
इन्टरले पहिलो हाफको अतिरिक्त दोस्रो मिनेटमा गोल गर्दै जित पक्का गरेको हो ।
इन्टरको जितमा हकनले गोल गरेका थिए ।
अंक तालिकामा बार्यन म्युनिख शीर्ष स्थानमा छ भने इन्टर मिलान ६ अंकका साथ दोस्रो स्थानमा छ ।
यस्तै बार्सिलोना ३ अंकका साथ तेस्रो स्थानमा रहँदा भिक्टोरियाले अंक ताकिलामा खाता खोलेको छैन ।
