युरोपेली च्याम्पियन्स लिग अन्तर्गत आज ४ समूहको विभिन्न ८ खेल हुँदैछ । समूह ए देखि समूह डी सम्म टोलीहरु नकआउट चरणमा पुग्न प्रयासरत छन् ।
आज हुने खेलबाट कतिपय समूहमा युरोपा लिग पुग्ने टोलीको पनि टुंगो लाग्नेछ । विशेषगरी पूर्व विजेता बार्सिलोनाले आज आफ्नो खेल नखेल्दै समूह चरणबाट बाहिरिने सम्भावना छ । लिभरपुल पनि आयाक्सको मैदानमा अंक जोड्दै अन्तिम १६ मा प्रवेश गर्न चाहन्छ ।
समूह ए : नेपाली १२, लिभरपुल ९, आयाक्स ३, रेन्जर्स ०
आयक्स विरुद्ध लिभरपुल – मध्यरात १२:४५ बजे
नेपोली विरुद्ध रेन्जर्स – मध्यरात १२:४५ बजे
नेपोली १२ अंक जोड्दै अन्तिम १६ मा पुगेको छ । अब ९ अंकसहित दोस्रो स्थानमा रहेको लिभरपुलले आयाक्सविरुद्ध बराबरी खेलेपनि अर्को चरणमा पुग्नेछ ।
समूह बी : क्लब ब्रुजा १०, पोर्टो ६, एटलेटिको म्याड्रिड ४, बायर लेभरकुसन ३
क्लब ब्रुजा विरुद्ध एफसी पोर्टो – रातको १०:३० बजे
एटलेटिको म्याड्रिड विरुद्ध बायर लेभरकुसन – मध्यरात १२:४५ बजे
क्लब ब्रुजा यस समूहमा ४ खेलमा १० अंकसहित अपराजित रहेर अघि बढिसकेको छ । पोर्टो (६ अंक) र एटलेटिको म्याड्रिड (४ अंक) दुवै एक अर्कासँग अन्तिम खेल खेल्न बाँकी छ । आज पोर्टो जितेर एटलेटिको हार्दा भने पोर्टो अन्तिम १६ मा जानेछ ।
समूह सी : बायर्न म्युनिख १२, इन्टर मिलान ७, बार्सिलोना ४, भिक्टोरिया प्लेजन ०
इन्टर मिलान विरुद्ध भिक्टोरिया प्लेजन – रातको १०:३० बजे
बार्सिलोना विरुद्ध बायर्न म्युनिख – मध्यरात १२:४५ बजे
बायर्न म्युनिख १२ अंक जोड्दै अघि बढिसकेको छ । इन्टर मिलानले बुधबार पहिलो खेलमा भिक्टोरिया प्लेजनलाई पराजित गरे अन्तिम १६ मा पुग्नेछ । यसो हुँदा बार्सिलोना बायर्नविरुद्ध खेल्नुअघि नै युरोपा लिगमा पुगिसकेको हुनेछ ।
समूह डी : टोटेनहम हट्सपर ७, मार्से ६, स्पोर्टिङ लिस्बन ६, आइनट्राक्ट फ्रान्कफर्ट ४
टोटेनहम विरुद्ध स्पोर्टिङ लिस्बन – मध्यरात १२:४५ बजे
फ्रान्कफर्ट विरुद्ध मार्से – मध्यरात १२:४५ बजे
टोटेनहमले लिस्बनलाई पराजित गरे अन्तिम १६ मा स्थान पक्का गर्नेछ । स्पर्सको जितसँगै मार्सेले फ्रान्कफर्टलाई पराजित गरे फ्रान्सेली टोलीले पनि अर्को चरणमा स्थान बनाउनेछ ।
