चाेटका कारण यी खेलाडीले गुमाउदैछन् कतार विश्वकप

फिफा विश्वकप सुरु हुनुअघि नै उपाधिका दावेदारहरु चोटको चपेटामा परेका छन्। अहिलेसम्म धेरै ठूला खेलाडी घाइते भएका छन्। ३६ वर्षपछि विश्वकपको उपाधि जित्ने सपना देखेको अर्जेन्टिनाका स्टार खेलाडी निकोलस गोन्जालेज र जोकिन कोरिया घाइते भएपछि बिहीबार ठूलो धक्का लागेको छ। दुवै खेलाडी विश्वकपबाट बाहिरिएका छन्। यस्तै, स्पेनका जोसे गया शुक्रबार चोटका कारण मैदान बाहिर भएका छन्। उनको स्थानमा बार्सिलोनाबाट खेल्ने एलेजान्ड्रो ब्लेड्सलाई टोलीमा राखिएको छ।

अहिलेसम्म तीन अर्जेन्टिनाका खेलाडी चोटका कारण बाहिरिएका छन्। यसैबीच, सेनेगलका प्रमुख खेलाडी साडियो मानेको चोटका कारण शल्यक्रिया गरिएको छ र उनी विश्वकप टोलीबाट बाहिर भएका छन्। फियोरेन्टिनाका स्ट्राइकर गोन्जालेजलाई प्रशिक्षणको क्रममा ह्यामस्ट्रिङमा चोट लागेको अर्जेन्टिना फुटबल महासंघले जनाएको छ। उनको स्थानमा एट्लेटिको मड्रिडका फरवार्ड एन्जल कोरेयालाई टोलीमा राखिएको छ।

जोआकिन कोरेया पनि चोटका कारण २६ सदस्यीय टोलीबाट बाहिरिएको महासंघले जनाएको छ। इन्टर मिलान खेलाडीलाई एटलान्टा युनाइटेडका फरवार्ड थियागो अल्माडाले प्रतिस्थापन गर्नेछन्। बुधवार संयुक्त अरब इमिरेट्स (युएई) विरुद्धको मैत्रीपूर्ण खेलमा पनि जुआकिनले गोल गर्दै ५–० को जित निकालेका थिए। २१ वर्षीय फरवार्ड अल्माडा विश्वकपमा अर्जेन्टिनाको प्रतिनिधित्व गर्ने पहिलो एमएलएस खेलाडी हुने उनको क्लबले जनाएको छ। अल्माडाले सेप्टेम्बरमा होन्डुरस विरुद्धको मैत्रीपूर्ण खेलमा राष्ट्रिय टोलीबाट डेब्यु गरेका थिए।

अर्जेन्टिनाले साउदी अरेबियाविरुद्ध विश्वकपको अभियानको सुरुवात गर्ने छ।
दुई पटकको विश्व च्याम्पियन दक्षिण अमेरिकी टोली अर्जेन्टिनाले आगामी नोभेम्बर २२ मा साउदी अरेबियासँग कतारमा हुने विश्वकपको समूह सी अन्तर्गत आफ्नो अभियानको सुरुवात गर्नेछ। कप्तान लियोनल मेस्सीका लागि यो पाँचौं विश्वकप हो। उनी चोटको सामना गर्दै टोलीलाई विश्व उपाधि दिलाउन चाहन्छन्। समूह सी मा अर्जेन्टिनाले मेक्सिको र पोल्याण्डसँग पनि प्रतिस्पर्धा गर्नेछ।

सेनेगलका स्टार खेलाडी साडियो माने विश्वकप टोलीमा परेका छन्। उनी निको हुनेमा टोली आशावादी थियो तर उनको चोट गम्भीर छ। ८ नोभेम्बरमा बायर्न म्युनिखको बुन्डेसलिगामा वेर्डर ब्रेमेनविरुद्धको जितका क्रममा मानेलाई स्ट्रेचर अफ गरिएको थियो।

बायर्नले बिहीबार उनको सफल शल्यक्रिया भएको पुष्टि गरेको छ। जसका कारण उनी विश्वकपबाट बाहिरिएका छन्। समूह ‘ए’ मा रहेको सेनेगलले आयोजक कतार, इक्वेडर र नेदरल्यान्ड्ससँग खेल्नेछ।

नोभेम्बर २० देखि डिसेम्बर १८ सम्म हुने फुटबल विश्वकपअघि कैयौं प्रमुख खेलाडी घाइते भएका छन्। तीमध्ये केही टोलीबाट बाहिरिएका छन् भने केही शंकास्पद छन्। जसमध्ये धेरै जसो वर्तमान विश्व च्याम्पियन फ्रान्सका पाँच स्टार खेलाडी रहेका छन्।

पाउल पोग्बा (फ्रान्स): पोग्बाको घुँडामा चोट लागेको छ। सेप्टेम्बरमा उनको शल्यक्रिया भएको थियो। २९ वर्षिय खेलाडीले प्रशिक्षण सुरु गरे तर उनको एजेन्टले ३१ अक्टोबरमा मिडफिल्डरले विश्वकप अघि युभेन्टस वा विश्व च्याम्पियनका लागि नखेल्ने बताएका थिए।

एनगोलो कान्टे (फ्रान्स) : चेल्सीका मिडफिल्डर ह्यामस्ट्रिङमा चोट लागेको छ। उनी करिब चार महिना खेलबाट टाढा रहनेछन्।

बाउबकार कमरा (फ्रान्स): एस्टन भिल्ला मिडफिल्डर सेप्टेम्बरमा घुँडामा चोट लागेको थियो। विश्वकपपछि उनी टोलीबाट बाहिर रहनेछन्।