नेपालले तेस्रो टि२० आई खेलमा आज केन्यासँग खेल्दैछ । खेल नेपाली समय अनुसार दिउँसो ३ : ४५ मा नैरोबीमा रहेको जिमखाना क्रिकेट क्लब ग्राउन्डमा सुरुहुनेछ । पाँच टि२० आई खेलको सिरिज १–१ को बराबरीमा छ ।
नेपाल पहिलो खेलमा ५ विकेटले विजयी हुँदा दोस्रो खेलमा १८ रनले पराजित भएको थियो । ओपनर पवन सरार्फलाई नेपालले आज बेन्चमा राख्दै ज्ञानेन्द्र मल्ल र वा देव खनाललाई ओपनिङ गराउन सक्छ । पवन पहिलो खेलमा १ र दोस्रो खेलमा १९ रनमा आउट भएका थिए ।
दीपेन्द्रसिंह ऐरी, रोहित पौडेल र आरिफ शेख मध्यक्रमका प्रमुख हतियार हुन् । यी तीन ब्याटर चल्न सकेका छैनन् । यी तीन ब्याटरबाट नेपाल ठूलो इनिङ चाहन्छ । स्पिनर बसिर अहमदलाई बेन्चमा राख्दै नेपालले विकेटकिपर अर्जुन साउदलाई डेब्यू दिनसक्छ । बसिरको स्थानमा विवेक यादव अर्का विकल्प हुन् । साउद आक्रामक ब्याटिङ गर्नेगर्दछन् ।
तीव्र गतिका बलरमा सोमपाल कामी र करण केसीले निरन्तरता पाउनेछन् । सोमपाल र करणबाट नेपाल ब्याटिङमा पनि उत्कृष्ट प्रदर्शन चाहन्छ । स्पिनरमा सन्दीप लामिछानेलाई दीपेन्द्रसिंह ऐरीले साथ दिनेछन् । आदिल अन्सारी ब्याटिङ अलराउन्डरको रुपमा खेल्नेछन् ।
नेपाली ब्याटरले सट छनोटमा विशेष ध्यादिनुपर्ने हुन्छ । जिम्मेवारी लिएर खेल्नुपर्ने हुन्छ । गैरजिम्मेवारी ब्याटिङ ठूलो समस्याको रुपमा रहँदै आएको छ ।
दोस्रो खेलमा रकिब पटेल २५ बलमा ३५ रन बनाउँदै प्लेयर अफ द म्याच चुनिएका थिए । केन्याका लुकास ओलुओच विष्फोटक ब्याटिङ गर्न सक्छन् । पहिलो खेलमा उनले १२ बलमा ३१ रन जोडेका थिए । किकेटकिपर इफरान करिम, सचिन भुडिया र नहेमायाह ओधिआम्बो केन्याका राम्रा ब्याटर हुन् ।
बलरमा दोस्रो खेलमा नेपाललाई हराउन इमानुएल बुन्डी, लुकास र विरज पटेलले दुई दुई विकेट लिएका थिए । केन्याले घरेलु मैदान र कन्डिसनको फाइदा उठाउँदै सिरिजमा अग्रता लिन चाहन्छ ।
नेपालको टोली :
सन्दीप लामिछाने (कप्तान), रोहित पौडेल(उपकप्तान), आसिफ शेख(विकेटकिपर), आरिफ शेख, दीपेन्द्रसिंह ऐरी, देव खनाल, आदिल अन्सारी, करण केसी, ज्ञानेन्द्र मल्ल, सोमपाल कामी, बसिर अहमद, अर्जुन साउद (विकेटकिपर), पवन सरार्फ, साहब आलम, किशोर महतो, विवेक यादव ।
केन्या र नेपालबीचको खेल तालिका
तेस्रो टि२० आई खेल – भदौं १२ (अगष्ट २८)
चौथो टि२० आई खेल – भदौं १३ ( अगष्ट २९)
पाँचौं टि२० आई खेल – भदौं १४ (अगष्ट ३०)
तीन एकदिवसिय अभ्यास खेल
पहिलो खेल – भदौ १७ (सप्टेम्बर २)
दोस्रो खेल – भदौ १८ (सप्टेम्बर ३)
तेस्रो खेल – भदौ २० (सप्टेम्बर ५)
