राष्ट्रिय फुटबल टोलीका कप्तान तथा गोलकिपर किरण चेम्जोङ सम्मलित राउन्ड ग्लास पन्जाब एफसी बुधबार आई लिगमा विजयी भएको छ ।
पन्जाब एफसीले घरेलु मैदानमा गोकुलम केरेलालाई १–० ले हराएको छ । लुका माजकेनले ७५ औं मिनेटमा गरेको गोलमा पन्जाब विजयी भएको थियो । किरण बुधबारको खेलमा पूरा समय खेलेका थिए । जितसँगै पन्जाब अंक तालिकाको दोस्रो स्थानमा उक्लेको छ ।
८ खेलमा ५ जित, २ बराबर र १ खेलमा हार बेहोरेको पन्जाबको १७ अंक छ । १९ अंकसहित श्रीनिदी डेकन शीर्षस्थानमा रहेको छ । ९ खेलपछि गोकुलम १५ अंकसहित चौथो स्थानमा छ । आई लिगमा १२ टोलीको सहभागिता छ ।
