इटालियन सिरी ‘ए’ मा एसी मिलानले हार बेहोरेको छ । मिलान १० खेलाडीमा समेटिएको टोरिनोसँग २–१ ले पराजित भएको हो ।
टोरिनोको जितमा कोफी डिजिडजी र एलेक्सी मिरानचुकले गोल गरे । मिलानका जुनियर मेसिएसले एक गोल फर्काए ।टोरिनोमा आइतबार राति भएको खेलको ३५औं मिनेटमा कोफीको गोलबाट टोरिनोले सुरुवाती अग्रता लिएको थियो । उनले भालेन्टिनो लजारोको पासमा गोल गरेको थिए ।
त्यसको दुई मिनेटपछि एलेक्सी मिरानचुकले गोल गरेपछि मिलान पहिलो हाफमै २–० ले पछि प¥यो । ६७औं मिनेटमा जुनियर मेसिएसले गोल गर्दै खेललाई २–१ को स्थितिमा ल्याउँदै मिलानलाई खेलमा फर्कने संकेत दिए ।
७०औं मिनेटमा टोरिनो १० खेलाडीमा समेटिन पुगेपनि मिलानको त्यसको फाइदा उठाउन सकेन । दुई मिनेटको अन्तरमा इभान जुरिच दोहोरो पहेलो कार्ड खाँदै मैदानबाट बाहिरिए । त्यसपछि थप गोल निस्कन नसक्दा मिलानले हार बेहोर्न पुग्यो ।
यस जितसँगै टोरिनो १२ खेलबाट १७ अंक जोडेर नवौं स्थानमा उक्लिएको छ । पराजित मिलानले दोस्रो स्थानमा उक्लने मौका गुमाउँदा २६ अंक जोडेर तेस्रो स्थानमा यथावत रहेको छ ।
