नेपालले हारबाट एएफसी यू १७ एसियन कप च्याम्पियनसिपको सुरुवात गरेको छ । भियतनाममा जारी छनोटमा नेपाली युवा टोली बुधबार ३–० ले पराजित भएको छ । थाइल्यान्डका लागि टोनटावन पुनटामुनीले २ र अर्को गोल थानाक्रित जाम्पालीले गरेका थिए ।
पुनटामुनीलेले ३५ औं मिनेटमा हेडमार्फत गोल गर्दै टोलीलाई सुरुवाती अग्रता गराएका थिए । उनले ६५ औं मिनेटमा अग्रता दोब्बर पारे । थानाक्रित लोमनाकले पासलाई पुनटामुनीले गोलम परिणत गरेका थिए । तीन रक्षकलाई छलाउँदै जाम्पालीले ७९ औं मिनेटमा टोलीका लागि तेस्रो गोल गेका थिए ।
नेपाल रथाइल्यान्ड रहेको समूह एफमा चाइनिज ताइपे र आयोजक भियतनाम छन् । एसियाका ४४ राष्ट्रले १० अलग अलग समूहमा छनोट खेलिरहेका छन् । हरेक समूहको विजेता स्वत अन्तिम चरणमा प्रवेश गर्नेछ । सबै समूहका गरि उत्कृष्ट ६ उपविजेताले अन्तिम राउन्डमा प्रवेश पाउनेछन् ।
