काठमाडौं (हाम्रो खेलकुद) – नेपाल रग्वी संघले इन्डोनेसियामा अर्काे सातादेखि आयोजना हुने एशिया रग्वी सेभेन्स ट्रफ्री –२०२२ को लागि नेपाली महिला राष्ट्रिय टोलीको घोषणा गरेको छ ।
संघले बन्द प्रशिक्षणमा रहेका १८ खेलाडीबाट १२ सदस्यीय अन्तिम टोली घोषणा गरेको हो । अन्तिम टोलीमा सन्जिता बोम्जन, प्रतिक्षा वागले, पुनम भुजेल, सुष्मा था, विनिता शाही र अस्मिता बस्नेतले स्थान बनाउन सकेनन् ।
एशिया रग्वी सेभेन्स ट्रफ्री यहि अगष्ट ६ र ७ मा हुँदैछ । नेपाल रग्वीले चौथोपटक एसियाली स्तरको रग्वी प्रतियोगिता खेल्न लागेको हो ।
१८ सदस्यी टोली नेपालभरबाट छनोट भएको ३५ सदस्यीय टोलीबाट छनोट भएको थियो । नेपाली टोलीले झन्डै एक महिनादेखि निरन्तर प्रशिक्षण गरिरहेको छ । टोलीको प्रशिक्षकमा टंक राज गिरी र विनोद तामाङ रहेका छन् ।
नेपाली टोली
एलिशा थापा, सिर्जना राई, पञ्चमाया श्रेष्ठ, सावित्री पुर्जा, सविना महर्जन, नानी तामाङ, सुजिना गुरुङ, मनिषा थापा मगर, अप्सरा कार्की, विशाका राई, शर्मिला राई र अर्पना पौडेल
