एनपीएल अपडेट: सुदूरपश्चिमको चुनौतीपूर्ण सुरुवात, दुवै ओपनर आउट

नेपाल प्रिमियर लिग (एनपीएल) मा सुदूरपश्चिम रोयल्सले विराटनगर किंग्सविरुद्ध निराशाजनक सुरुवात गरेको छ। कीर्तिपुरस्थित त्रिवि क्रिकेट मैदानमा भएको खेलमा, टस हारेर पहिला ब्याटिङ गरेको सुदूरपश्चिमले प्रारम्भिक झट्काहरू भोगेको छ।

पहिलो विकेटको रूपमा अमित श्रेष्ठले ५ बल खेलेर मात्र १ रन बनाउन सके। उनलाई इस्मत आलमको बलमा मार्टिन गप्टिलले क्याच आउट गराए। दोस्रो विकेटको रूपमा विनोद भण्डारी पवेलियन फर्किए। विनोदले २० बलमा २३ रन बनाएर चार चौका प्रहार गरेका थिए। उनलाई प्रतिस जिसीको बलमा अनिल खरेलले क्याच आउट गराए।

५ ओभरको समाप्तिमा सुदूरपश्चिमले ३४ रन जोड्न सकेको छ भने २ विकेट गुमाइसकेको छ। हाल क्रिजमा ब्रेन्डन म्याकमलन र आरिफ शेख रहेका छन्, र टिमले स्कोर बृद्धि गर्न दबाब महसुस गरिरहेको छ।