लन्डन डर्वीमा आर्सनलले इंग्लिस प्रिमियर लिगको खेलमा चेल्सीलाई पराजित गरेको छ । आर्सनलले घरेलु टोली चेल्सीलाई १–० ले पराजित गरेको हो ।
स्टाम फोर्ड ब्रिजमा आइतबार राति भएको खेलमा आर्सनलको जितमा दोस्रो हाफमा गाब्रियलले गरेको गोल नै निर्णायक बन्यो । उनले ६३औं मिनेटमा बुकायो साकाको पासमा गोल गरेका थिए ।
निकै नै प्रतिस्पधौत्मक र रोमाञ्चक बनेको खेलमा महतवपूर्ण जित निकाल्दै आर्सनल अंक तालिकाको शीर्षस्थानमा उक्लन सफल भएको छ ।
यो सिजन उच्च प्रदर्शन गरिरहेको आर्सनलले शीर्ष स्थानमा म्यानचेस्टर सिटीलाई २ अंकले पछि पारेको छ । आर्सनलको १३ खेलबाट ३४ अंक पुगेको छ । सिटीको ३२ अंक छ । पराजित चेल्सी २१ अंक जोडेर सातौं स्थानमा रहेको छ ।
