अमेरिका लगातार दोस्रोपटक कोन्काफ नेसन्स लिग ए च्याम्पियनसिपको च्याम्पियन बनेको छ । सोमबार बिहान भएको फाइनलमा क्यानडालाई २–० ले पराजित गर्दै अमेरिका कोन्काफ नेसन्स लिगमा लगातार दोस्रोपटक च्याम्पियन बन्न सफल भएको हो ।
लास भेगास नेभाडामा भएको खेलमा घरेलु टोलीलाई च्याम्पियन बनाउन क्रिस रिचार्ड्स र फोलारिन बालोगनले गोल गरे । दुवै गोलमा जियोभानी रेनाले असिस्ट प्रदान गरे । दुवै गोल दोस्रो हाफमा सम्भव भएको थियो ।
खेलको १२औं मिनेटमा क्रिस रिचार्ड्सले गोल गर्दै अमेरिकालाई १–० को अग्रता दिलाए । उनले जियोभानी रेनाको पासमा गोल गर्न सफल भएका थिए ।
३४औं मिनेटमा फोलारिन बालोगनले गोल गर्दै अमेरिकाको अग्रता दोब्बर पारे । उनले जियोभानी रेनाकै पासमा गोल गर्न सफल भए । पहिलो हाफमै २–० ले पछि परेको क्यानडाले बल पोसेसन राख्दै घरेलु टोलीलाई दवाव बढाएपनि गोल गर्न नसक्दा पराजित हुन पुग्यो ।
सन् २०१९–२० मा अमेरिकामै भएको फाइनलमा पनि मेक्सिकोलाई अतिरिक्त समयमा ३–२ ले पराजित गर्दै उपाधि जित्न सफल भएको थियो । पानमालाई १–० ले पराजित गर्दै मेक्सिको तेस्रो भएको छ ।
