म्यानचेस्टर सिटीले इंग्लिस प्रिमियर लिगको शीर्षस्थानमा रहेको आर्सनललाई एफए कपको चौथो राउन्डमा पराजित गर्दै पाँचौं चरणमा प्रवेश गरेको छ ।
प्रिमियर लिगको दोस्रो स्थानमा रहेको सिटीले आर्सनललाई १–० ले पराजित गर्दै अर्काे राउन्डमा पुगेको हो । घरेलु मैदानमा सिटीको जितमा नाथन एकेले दोस्रो हाफमा गरेको गोल नै निर्णायक बन्यो ।
इतिहाद स्टेडियम शुक्रबार राति भएको रोमाञ्चक र प्रतिस्पर्धात्मक खेलमा नाथन एकेले ६४औं मिनेटमा गोल गर्दै सिटीलाई १–० को अग्रता दिलाए । उनले ज्याक ग्रेलिसको पासमा गोल गरेका थिए । त्यसपछि थप गोल निस्कन नसक्दा सिटी विजयी हुन सफल भयो ।
