सिटीको जितमा हालान्डको पनि गोल

फोडानको पासमा कान्सेलोले २० औं मिनेटमा गोल गरेका थिए । फोडान आफैले ३२ औं मिनेमा गोल गर्दा सिटी पहिलो हाफमा २–० ले अगाडि लागेको थियो । फोडानले केभिन डि ब्रुएनेको पासलाई सदुपयोग गरेका थिए । माहरेजले ४९ औं र हालान्डले ६५ औं मिनेटमा गोल गरेपछि सिटीको जित सहज बनेको थियो । सबै खाले गरि १३ खेलमा हालान्डको गोल संख्या २० पुगेको छ ।

जितसँगै सिटी शीर्षस्थानमा उक्लेको छ । ९ खेलमा ७ जित र २ बराबरीका साथ सिटीको २३ अंक छ । एक खेल कम खेलेको आर्सनल २१ अंकसहित दोस्रो स्थामा छ । १६ औं स्थानको साउथह्याम्टनको ७ अंक छ ।