नेपाली राष्ट्रिय क्रिकेटर सन्दीप लामिछानेलाई प्रहरीले नियन्त्रणमा लिएको छ ।
नावालिक बलात्कारको आरोप लागेका सन्दीपलाई त्रिभुवन अन्तर्राष्ट्रिय विमानस्थलबाट प्रहरीले नियन्त्रणमा लिएको हो ।
भदौ ५ गतेको घटना भन्दै एक नावालिकाले सन्दीपविरुद्ध गौशाला प्रहरी वृत्तमा बलात्कारको उजुरी दिएका थिइन् ।
उजुरी दिँदा क्यारेवियन प्रिमियर लिग सीपीएल खेल्न वेस्टइन्डिजमा रहेका थिए ।
आरोपपछि सीपीएल छाडेर फर्कर्ने बताएका थिए ।
त्यसपछि लामो समय नेपाल क्रिकेट संघ क्यान र नेपाल प्रहरीसँग सम्पर्कविहीन बनेका सन्दीप आज कतार एयरवेजमार्फत काठमाडौं अवतरण गरेका हुन् ।
उनी आउनु पूर्व नै सामाजिक सञ्जालमार्फत जानकारी गराएका थिए ।
विमानस्थलमै उनले प्रहरीसमक्ष आत्मसर्मपण गरेका थिए ।
सन्दीपलाई विमानस्थलबाट गौशाला प्रहरी बृत्तमा लगिएको छ ।
