लिभरपुलले १८ बर्षपछि कम्युनिटी शिल्डको उपाधि जित्न सफल भएको छ । फाइनलमा म्यानचेस्टर सिटीलाई पराजित गर्दै लिभरपुलले सन् २००६ पछि पहिलो पटक यो प्रतियोगिताको उपाधि उचाल्न सफल भयो ।
पछिल्लो पटक २०२० मा फाइनलमा पराजित भएको लिभरपुलले यो पटक फाइनलमा म्यानचेस्टर सिटीलाई तीन एकले पराजित गर्यो । लिभरपुलको जितमा एलेजान्देर आर्नोल्ड, मोहम्मद सलाह र नुनेजले एक एक गोल गरे । सिटीका लागि एकमात्र गोल डेब्यकर्ता अल्भारेजले गरेका थिए ।
खेलको २१ औं मिनेटमा मोहम्मद सलाहको पासमा आर्नोल्डले गोल गर्दै टिमलाई अग्रता दिलाएका थिए । पहिलो हाफमा एक गोलको अग्रता बनाएको लिभरपुलले बिचमा केहि मौका पाएपनि थप गोल गर्न सकेन । यता सिटीका लागि इरिलिङ हालान्डले दुई वटा उत्कृष्ट मौका खेर फालेका थिए ।
तर खेलको ७० औं मिनेटमा सिटीले खेल बराबरी गर्न सफल भयो । यो सिजन सिटीमा अनुबन्ध भएका अल्भारेजले रिबाउण्डमा गोल गर्न सफल भए । सिटीको पहिलो प्रहारलाई लिभरपुलका गोलकिपरले बचाएपनि रिबाउण्ठमा अल्भारेजले गोल गरे । उनको सिटीको लागि डेब्यु गोल हो ।
त्यसपछि ८२ औं मिनेटमा लिभरपुलले पेनाल्टी पाएको थियो । सिटीका डिफेन्डरले डिबक्समा हातले बल छोएपछि भिएआरको माध्यमले रेफ्रीले पेनाल्टी दिएका थिए । जसलाई सलाहले सहजै गोल गर्न सफल भए ।
८८ औं मिनेटमा सलाहको पासमा रोबर्टसनले गरेको प्रहार फ्रेम बाहिर रह्यो ।
खेलको इन्जुरी समयको दोस्रो मिनेटमा फिल फोडेनले मिलाएको भलीलाई पनि हालान्डले गोलमा परिणत गर्न सकेनन् ।
दुई एकको अग्रता बनाएको लिभरपुलले इन्जुरी समयको चौथो मिनेटमा खेल तीन एकमा पुर्यायो । उसका लागि रोबेर्टसनको पासमा नुनोजले गोल गरे ।
खेलको अन्तिममा सिटीका लागि हालान्डले उत्कृष्ट गोलको मौका पाएपनि सफल हुन सकेनन् । उनले डिबक्स नजिकै खुल्ला रुपमा पाएको बललाई सहि दिशा दिन सकेनन् ।
त्यसपछि सिटी खेलमा फर्कन सकेन र लिभरपुलले २००६ पछि कम्युनिटी शिल्डको उपाधि उचाल्न सफल भयो । लिभरपुलले कम्युनिटी शिल्डको उपाधि जितेको यो १६ औं पटक हो । अहिलेसम्म २४ पटक कम्युनिटी सिल्डको फाइनलमा पुगेको लिभपुल आठ पटक उपविजेता बनेको छ । यता सिटी फेरी एक पटक उपाधि जित्न असफल बन्यो ।
उसले सन् २०१९ मा अन्तिम पटक यो प्रतियोगिताको उपाधि जितेको थियो । त्यसपछि २०२१ को फाइनलमा लेस्टर सिटीसँग पराजित भएको थियो ।
