इंग्लिस प्रिमियर लिगमा म्यानचेस्टर युनाइटेडले बुधबार लिड्स युनाइटेडसँग २–२ को रोमाञ्चक बराबरी खेलेको छ । ओल्ड ट्रायफोर्डमा भएको खेलमा युनाइटेडलले दुई गोलले पछाडि रहेर बराबरी निकालेको हो ।
व्यवस्थापकविहीन रहेको लिड्सले विलफ्रेड एनोन्टोको गोलले अग्रता लिएयता राफेल भरानेले आत्मघाती गोल गरे । त्यसयता युनाइटेडका लागि मार्कस रसफोर्ड र जाडोन सान्चोले गोल गर्दै युनाइटेडलाई बराबरी दिलाए ।
यससँगै लिड्स ओल्ड ट्रायफोर्डमा दुर्लभ जितबाट वञ्चित रह्यो, तर रेलिगेसनबाट बच्न संघर्षरत उसका लागि एक अंक पनि महत्त्वपूर्ण रहनेछ । लिड्सको १९ अंक भएको छ र १६ औं स्थानमा छ । युनाइटेड भने ४३ अंकमा तेस्रो स्थानमा छ ।
