क्रिस्टियानो रोनाल्डोबिनाको म्यानचेस्टरले आफ्नो सुखद सुरुवातलाई कायम राख्दै इंग्लिस प्रिमियर लिगमा मंगलबार प्रभावशाली जित निकालेको छ । म्यानचेस्टरले नटिङ्घम फरेस्टलाई सजिलै ३–० ले हराएको हो ।
विश्वकपको विश्रामको बेला म्यानचेस्टरले पोर्चुगाली खेलाडी रोनाल्डोसँग अलग हुने निर्णय गरेको थियो । त्यसयता एरिन टेन हागको नेतृत्वमा म्यानचेस्टर लयमा देखिएको छ ।
फरेस्टमाथिको जितमा भने मार्कस रसफोर्डले एक गोल गरे र अर्को गोलमा अवसर सिर्जना गरे । उनको पासमा एन्टोनी मार्सियलले गोल गरेका हुन् । तेस्रो गोल फ्रेडको नाममा रह्यो ।
यो जितपछि म्यानचेस्टरको २९ अंकसहित पाँचौं स्थानमा छ । मंगलबारको अर्को खेलमा चेल्सीले बर्नमाउथलाई २–० ले हरायो । यो नतिजापछि चेल्सीको २४ अंकसहित आठौं स्थानमा छ ।
