पोर्चुगिज भेट्रान फरवार्ड क्रिस्टियानो रोनाल्डोले यस सिजनमा पहिलो गोल गरेपछि इंग्लिस क्लब म्यानचेस्टर युनाइटेडले युरोपा लिगमा जित निकालेको छ ।
युनाइटेडले मोल्दोभालाई उसकै मैदानमा २–० को जित निकालेको हो । मोल्दोभामा बिहीबार राति भएको खेलमा एक गोल जेडान सान्चोले गरे । दुवै गोल पहिलो हाफमा सम्भव भएको थियो ।
खेलको १७औं मिनेटमा जेडान सान्चोको गोलबाट युनाइटेडले सुरुवाती अग्रता लिन सफल भयो । उनले क्रिस्टियन एरिक्सनको पासमा गोल गर्न सफल भयो ।
३९औं मिनेटमा रोनाल्डोले पेनाल्टीमा गोल गर्दै युनाइटेडको अग्रता दोब्बर पारे । प्याट्रिक केपोजोले पेनाल्टी बक्समा डिएगो डालोटलाई फउल गरेपछि रेफ्रीले युनाइटेडलाई पेनाल्टी प्रदान गर्दा रोनाल्डो चुकेनन् ।
यो सिजनमा रोनाल्डोको यो पहिलो गोल हो । उनले यो सिजन पहिलो रोजाईमा विरलै मौका पाएपनि ८ खेल खेलेका छन् । उनको यो व्यवसायिक खेल करिअरमा क्लबको लागि ६९९औं गोल हो । दोस्रो हाफमा थप गोल निस्कन नसक्दा युनाइटेडले पहिलो जित निकाल्न सफल भयो ।
यही समूह ‘ई’ को खेलमा स्पेनिस क्लब रियल सोसिडाडले लगातार दोस्रो जित निकाल्दै आफ्नो शीर्षतालाई यथावत राखेको छ । सोसिडाडले साइप्रसको ओमोनिया निकोसियालाई २–१ ले पराजित गरेको छ ।
यस नतिजासँगै सोसिडाड ६ अंक जोडेर शीर्षस्थानमा रहेको छ । पहिलो जित निकालेको युनाइटेड ३ अंक जोडेर दोस्रो स्थानमा छ । ३ अंक नै रहेपनि सेरिफ हेड टु हेडमा तेस्रोमा छ । ओमोनियाले अंकको खाता खोल्न सकेको छैन ।
