पोर्चुगिज फरवार्ड क्रिस्टियानो रोनाल्डोले साउदी प्रो लिग अन्तर्गत अल वेहदाविरुद्ध खेलमा चार गोल गरेका छन् । अल नासरले ४-० को जित दर्ता गर्दा सबै गोल रोनाल्डोले गरे ।
पहिलो हाफमा दुई गोल गरेका रोनाल्डोले दोस्रो हाफमा पनि दुई गोल थपेका थिए । अघिल्लो खेलमा गोलको खाता खोल्दै अल नासरलाई हारबाट जोगाएका रोनाल्डोले विहीबार सानदार प्रदर्शनका साथ टोलीेलाई लिगको शीर्षस्थानमा उकाले ।
रोनाल्डोले २१ अौं मिनेटमा सुरुवाती अग्रता दिलाउँदै ४० अौं मिनेटमा दोस्रो गोल गरे । ५३ अौं मिनेटमा पेनाल्टीमार्फत ह्याट्रिक पूरा गरेका रोनाल्डोले ७ मिनेटपछि अर्को गोल थपे । लयमा रहेका फरवार्ड एन्डरसन टालिस्का नहुँदा रोनाल्डोले जिम्मेवारी पूरा गरे ।
यस जितले अल नासर लिगको शीर्षस्थानमा उक्लिएको छ । टोलीको १६ खेलमा ३७ अंक रहेको छ । त्यस्तै दोस्रो स्थानमा रहेको अद शबाबको १७ खेलमा ३७ अंक नै छ । अल वेहदा १५ अंक जोड्दै रेलिगेसन क्षेत्र नजिक छ ।
