बहराइनमा भएको एएफसी यू–२० एसियन कप छनोटमा सहभागिता जनाएर नेपाली युवा टोली स्वदेश फर्किएका छन् ।
नेपाली टोली सोमबार राति स्वदेश फर्किएको हो । नेपाली युवा टोलीलाई अखिल नेपाल फुटबल संघ (एन्फा) का सदस्य अनिल मल्ल, पुरुषोत्तम थापा, रविन्द्र चन्द र टिकाराम लामालगायतले स्वागत गरे ।
समूह ‘बी’ मा नेपाल जित विहीन बनेको थियो । नेपाल पहिलो खेलमा भुटानसँग २–० ले पराजित भएको थियो । दोस्रो खेलमा कतारसँग ३–१, तेस्रो खेलमा बहराइनसँग ६–० ले तथा अन्तिम खेलमा बंगलादेशसँग ३–० ले पराजित भएको थियो ।
