एजेन्सी – इटालियन सिरी ‘ए’ मा युभेन्ट्स बराबरीमा रोकिएको छ । युभेन्ट्सले घरेलु टोली साम्पडोरियासँग गोलरहित बराबरी खेल्दै अंक बाड्न बाध्य बनेको हो ।
जेनोभामा सोमबार राति भएको प्रतिस्पर्धात्मक खेलमा दुवै टोलीले केही मौका सिर्जना गरेपनि गोल गर्न नसक्दा दुवै टोली अंक बाड्न बाध्य बन्यो ।
यो बराबरीपछि अपराजित रहेको युभेन्ट्सले शीर्षस्थानमा रहेको नेपोली, इन्टर मिलान र रोमासँग अंक बराबरी गर्ने मौका गुमाएको छ ।
युभेन्ट्सको २ खेलबाट ४ अंक छ । नेपोली, इन्टर मिलान र रोमाको ६ अंक छ । पहिलो अंक जोडेको साम्पडोरिया १६औं स्थानमा रहेको छ ।
