इटालियन सिरी ‘ए’ मा युभेन्ट्सले सानदार जित निकालेको छ । युभेन्ट्सले घरेलु मैदानमा बोलोग्नालाई ३–० ले पराजित गरेको छ ।
युभेन्ट्सको जितमा फिलिप कोस्टिक, डुसान भ्लाहोभिच र एर्काडिअस मिलिकले गोल गरे । पहिलो हाफमा एक तथा दोस्रो हाफमा एक गोल भएको थियो ।
एलिएन्ज स्टेडियम टोरिनोमा आइतबार राति भएको खेलको २४औं मिनेटमा कोस्टिकको गोलबाट युभेन्ट्सले सुरुवाती अग्रता लिन सफल भयो । उनले डुसान भ्लाहोभिचको पासमा गोल गर्न सफल भएका थिए ।
५९औं मिनेटमा डुसान भ्लाहोभिचल गोल गर्दै युभेन्ट्सको अग्रता दोब्बर पारे । उनले वेस्टन म्याकिनीको पासमा गोल गर्न सफल भएका थिए । ६२औं मिनेटमा एर्काडिअस मिलिकले गोल गर्दै युभेन्ट्सलाई सहज जित दिलाए ।
यस जितसँगै युभेन्ट्स ८ खेलबाट १३ अंक जोडेर सातौं स्थानमा उक्लिएको छ । पराजित बोलोग्ना ६ अंक जोडेर १७औं स्थानमा रहेको छ ।
