इंग्लिस प्रिमियर लिगमा क्रिस्टियानो रोनाल्डोको टिम म्यानचेस्टर युनाइटेडले अर्को लज्जास्पद हार ब्यहोरेको छ । युनाइटेड ब्रेन्टफोर्डसँग चार शन्यको भारी अन्तरले पराजित भयो ।
घरेलु मैदानमा भएको खेलको पहिलो हाफमा नै ब्रेन्टफोर्डले चार गोल गरेको थियो । यो सिजनको सुरुवाती दुई खेलमा नै पराजित भएको युनाइटेडविरुद्ध खेलको १० औं मिनेटमा नै डासिल्भाले गोल गर्दै टिमलाई अग्रता दिलाए ।
त्यसपछि १८ औं मिनेटमा ब्रेन्टफोर्डले खेल दुई शुन्यमा पुर्यायो । यसपटक उसकालागि जेनसेनले गोल गरे । ३० औं मिनेटमा मी को गोलमा ब्रेन्टफोर्ड तीन शुन्यले अगाडी रह्यो ।
त्यसको पाँच मिनेटपछि युनाइटेडले चौथो गोल गर्यो । यसपटक उसका लागि बिउमोले गोल गरे । पहिलो हाफमा नै चार गोल खाएको युनाइटेडले दोस्रो हाफमा खेलमा फर्कने प्रयास गरेपनि सफल भए । जसका कारण उसले यो सिजनको सुरुवाती दुई खेलमा लगातार हार ब्यहोर्न बाध्य भयो ।
दुई खेलमा पाँच गोल खाएको युनाइटेड अहिले पुछारमा रहेको छ । युनाइटेडविरुद्ध ब्रेन्टफोर्डको यो ऐतिहासिक जित हो । यसका साथै नयाँ प्रशिक्षक इरिक टेन हागको प्रिमियर लिग यात्रा निकै खराब भएको छ ।
पुरै खेलमा ६७ प्रतिशत बल पोसेसन बनाएको युनाइटेडले कुल १५ वटा सट प्रहर गरेपनि गोल गर्न सकेन । जसका कारण युनाइटेड अंक बिहिन अवस्थामा छ ।
