अर्जेन्टिनी फरवार्ड लियोनेल मेस्सी र फ्रान्सेली फरवार्ड केलियन एमबाप्पेको गोलमा शीर्षस्थानमा रहेको पेरिस सेन्ट जर्मेन (पिएसजी) ले जित निकालेको छ ।
घरेलु मैदानमा पिएसजीले निसलाई २–१ ले पराजित गरेको हो । निसका गाइटान लाबोर्डेले एक गोल फर्काए । पार्क डेस प्रिन्सेसमा शनिबार राति भएको खेलको ३०औ मिनेटमा मेस्सीले गोल गर्दै पिएजीलाई सुरुवाती अग्रता दिलाए ।
मेस्सीले फ्रिकिकमा सिधैं गोल गर्न सफल भएका थिए । ४७औं मिनेटमा गाइटान लाबोर्डेले गोल गर्दै खेललाई २–१ को स्थितिमा ल्याए ।
त्यसपछि ८३औं मिनेटमा एमबाप्पेले गोल गर्दै पिएसजीलाई जित दिलाए । उनले नोर्डी मुकिलको पासमा गोल गर्न सफल भएका थिए ।
यस जितसँगै शीर्षस्थानमा रहेको पिएसजीको ९ खेलबाट २५ अंक पुगेको छ । पराजित निस ८ अंक जोडेर १३औं स्थानमा रहेको छ ।
