जर्मन बुन्डेसलिगाको शीर्ष दौडमा रहेको बायर्न म्युनिख र बोरुसिया डर्टमुन्डले सफलता हात पारेका छन् ।बायर्न म्युनिखले घरेलु मैदानमा भिएफएल बोचुमलाई ३–० ले पराजित गरेको छ ।
बायर्नको जितमा थोमस मुलर, किङ्सले कोमान र सर्ज नाब्रीले गोल गरे । एलिएन्ज एरिना म्युनिखमा शनिबार राति भएको खेलको ४१औं मिनेटमा थोमस मुलरको गोलबाट बायर्नले सुरुवाती अग्रता लिएको थियो ।
६४औं मिनेटमा किङ्सले कोमानले गोल गर्दै बायर्नको अग्रता दोब्बर पारे । ७४औं मिनेटमा सर्ज नाब्रीले पेनाल्टीमा गोल गर्दै बायर्नको जित पक्का गरे ।
यस जितसँगै शीर्षस्थानमा रहेको बायर्नको २० खेलबाट ४३ अंक पुगेको छ । पराजित बोचुम १९ अंक जोडेर १५औं स्थानमा रहेके छ ।
अर्काे खेलमा बोरुसिया डर्टमुन्डले वेर्डर ब्रेमेनलाई २–० ले पराजित गरेको छ । डर्टमुन्डको जितमा जेमी बाइनोइ जिटेन्सले गोल गरे । यस जितसँगै तेस्रो स्थानमा रहेको डर्टमुन्डको २० खेलबाट ४० अंक पुगेको छ । पराजित ब्रेमेन २७ अंक जोडेर नवौं स्थानमा छ ।
अन्य नतिजा
माइन्जविरुद्ध अग्सवर्ग (३–१)
फ्रेइवर्गविरुद्ध स्टुटगार्ट (२–१)
होफेनहाइनविरुद्ध लिभरकुसन (१–३)
आरबी लाइप्जिगविरुद्ध युनियन बर्लिन (१–२)
