इंग्लिस प्रिमियर लिग फुटबलमा लिभरपुलले एएफसी बर्नमाउथको पोस्टमा ९ गोल प्रहार गरेको छ ।
घरेलु मैदान एनफिल्डमा लिभरपुलले पहिलो हाफमा ५ गोल गरेको थियो भने दोस्रो हाफमा ४ गोल गरेको थियो ।
जसमा १ गोल भने उपहारमा पाएका थियो ।
लिभरपुलका लागि रोवर्टो फिररमिनो र लुईस डियाजले २–२ गोल गर्दा अरुले एक एक गोल गरेका थिए ।
तेस्रो मिनेटमा डियाजले गोल गर्दै लिभरपुललार्य अग्रता दिलाएका थिए ।
छैटौं मिनेटमा हार्भे इलियटले अग्रता दोब्बर बनाए ।
२८ औं मिनेटमा ट्रेन्ट आर्नोल्डले गोल गरेपछि लिभरपुलले तेस्रो गोल गरेका थिए ।
रोवर्टो फिरमिनोले ३१ औं मिनेटमा व्यक्तिगत पहिलो गोल गर्दा लिभरपुल ४–० ले अघि बढ्यो ।
भान डिजिकले ४५ औं मिनेटमा गोल गरेपछि ५–० ले लिभरपुल अघि बढ्यो ।
दोस्रो हाफको सुरु भएको पहिलो मिनेटमै क्रिस मिफामले आफ्नै पोस्टमा गोल गरेपछि लिभरपुलले उपहार पायो ।
त्यो गोलले लिभरपुल ६–० ले अघि बढ्यो ।
यस्तै फिरमिनोले ६२ औं मिनेटमा व्यक्तिगत दोस्रो गोल गर्दा टिम भने ७–० ले अगाडि बढ्यो ।
फावियोले ८० औं मिनेटमा टिमका लागि आठौं गोल गरेका थिए ।
८५ औं मिनेटमा डियाजले व्यक्तिगत दोस्रो तथा टिमका लागि नवौं गोल गर्दै फराकिलो जीत दर्ता गराए ।
जीतपछि लिभरपुल आठौं स्थानमा छ भने पराजित भएको बर्नमाउथ १६ औं स्थानमा छ ।
