चेल्सीले प्रिमियर लिगमा शनिबार हार बेहोरेको छ । पहिलो हाफमै २ आत्मघाती गोल गरेको चेल्सीले ब्राइटन एन्ड होभ अल्बियोनसँगको खेलमा ४–१ ले पराजित भएको छ । पहिलाो हाफमा नै चेल्सी ३–० ले पछि परेको थियो ।
पाँचौं मिनेटमा लियनाद्रो ट्रोसाडको गोलबाट ब्राइटनले खेलमा अग्रता लिएको थियो । विन लुफ्टस चिकको १४ औं र ट्रेभो चालोबेको ४२ औं मिनेटमा आत्मघाती गोलबाट ब्राइटन पहिलो हाफमा ३–० ले अघि बढेको थयो । कइ हाभेर्टजले ४८ औं मिनेटमा गोल गर्दै चेल्सीलाई खेलमा फर्काउनका कोशिस गरेका थिए । तर इन्जुरी समयको दोस्रो मिनेटमा पासकल ग्रसले गोल गर्दै ब्राइटनको जितलाई सहज बनाएका थिए ।
हारपछि चेल्सी २१ अंकका साथ पाँचौं स्थानमा छ । सातौं स्थानको ब्राइटनको १८ अंक पुगेको छ । शनिबार नै अर्को खेलमा म्यानचेस्टर सिटी लेस्टरलाई १- ० ले हराउँदै अंकतालिकाको शीर्षस्थानमा उक्लेको छ ।
प्रिमियर लिगमा शनिबारको नतिजा
लेस्टरविरुद्ध म्यानचेस्टर सिटी, ०-१
एएफसी बोर्नमाउथविरुद्ध टोटेनहम २-३
ब्रेन्टफोर्डविरुद्ध उल्भरह्याम्टन वान्र्डरर्स, १-१
ब्राइटन एन्ड होभ अल्बियोनविरुद्ध चेल्सी, ४-१
क्रिस्टल प्यालेसविरुद्ध साउथह्याम्टन, १-०
न्यूक्यासलविरुद्ध एस्टनभिल्ला, ४-०
