पाकिस्तानसंगको ७ टि २० आई खेलको सिरिजमा इंग्ल्यान्डले १–० को अग्रता लिएको छ ।
गएराति सम्पन्न पहिलो खेलमा इंग्ल्यान्डले घरेलु टोली पाकिस्तानलाई ६ विकेटले पराजित गर्दै सिरिजमा अग्रता लिएको हो ।
पाकिस्तानले दिएको १ सय ५९ रनको विजयी लक्ष्य पछ्याएको इंग्ल्यान्डले १९.२ ओभरमा ४ विकेट गुमाउँदै पूरा गर्यो ।
उसका लागि ओपनर एलेक्स हेल्सले अर्धसतकीय पारी खेल्दै ५३ रन हिर्काए ।
यस्तै ह्यारी ब्रुक्स ४२ रनमा नटआउट रहे ।
पाकिस्तानका लागि उस्मान कादिरले २,हरिस रौफ र शहनवाज धानीले एक एक विकेट झारे ।
त्यसअघि ब्याटिङ गरेको पाकिस्तानले निर्धारित २० ओभरमा ७ विकेट गुमाउँदै १ सय ५८ रन बनाएको थियो ।
जसमा पाकिस्तानका मोहम्मद रिजवानले सर्वाधिक ६८ रन जोडे ।
इंग्ल्यान्डका ल्यूक वुडले ३ ,आदिल राशिदले २,साम करन र मोईन अलीले एक एक विकेट हात पारे ।
ल्यूक वुड म्यान अफ द म्याच चुनिए ।
दोस्रो खेल बिहीबार हुनेछ ।
