पाकिस्तानका अलराउन्डर हुसेन तालतले अर्को साता देखि नेपालमा हुने नेपाल टि२० लिग विराटनगर सुपर किंग्सबाट खेल्ने भएका छन् ।
विराटनगर सुपर किंग्सले विदेशी खेलाडीको नाम सार्वजनिक गर्दै पाकिस्तानी हुसेन आउने जनाएको छ । तीव्र गतिका बलिङ अलराउन्डर हुसेनले पाकिस्तानबाट १ ओडिआई र १८ टि२० आई खेल खेलेका छन् । २६ वर्षीय उनी मध्यक्रममा राम्रो ब्याटिङका लागि चिनिन्छन् ।
टि२० आईमा उनले २ अर्धशतकसहित कुल ३ सय ९४ रन बनाउनुको साथै ४ विकेट लिएका छन् । २०१८ मा वेस्टइन्डिजविरुद्ध कराँचीमा टि२० आईमा डेब्यू गरेका उनी २०२१ मा दक्षिण अफ्रिकाविरुद्ध खेलपछि टोलीमा छैनन् ।
विराटनगरको मार्की खेलाडीमा रोहित पौडेल छन् । रोहितसँगै, अर्जुन साउद, नन्दन यादव, विवेक यादव, साहब आलम, नारायण जोशी, सूर्य तामाङ, अमरसिंह राउटेला, प्रदीप ऐरी, पृथु बाँस्कोटा र रिजन ढकाल छन् ।
प्रतियोगिता २३ डिसेम्बर देखि १० जनवरीसम्म टियु मैदानमा हुनेछ । विराटनले पहिलो खेल २४ डिसेम्बरमा लुम्बिनी अल स्टार्ससँग खेल्नेछ । ६ टोली सहभागीत प्रतियोगितामा डबल राउन्ड रोविनको आधारमा प्रतिस्पर्धा हुनेछ ।
