मोरक्कोका फरवार्ड युसुफ इन न्यास्रीको ह्याट्रिक मद्दतमा सहज जित हात पार्दै सेभिया स्पेनिस कोपा डेल रेको प्रि–क्वाटरफाइनलमा प्रवेश गरेका छन् ।
मोरक्कोका फरवार्ड युसुफ इन न्यास्रीको ह्याट्रिक मद्दतमा सेभियाले तल्लो श्रेणीको लिनारेस डिपोर्टिभोलाई ५–० ले पराजित गर्दै सेभियाले अन्तिम १६ मा स्थान पक्का गरेको हो ।
लिनारेसमा बुधबार राति भएको एकपक्षीय खेलमा न्यास्रीले ३७, ४० र ७४औं मिनेटमा गोल गर्दै ह्याट्रिक पुरा गरे । ६९औं मिनेटमा एरिक लमेलाले गोल गर्दा ५७औं मिनेटमा लुसियानोले आत्मघाती गोल गरेको थियो ।
यस्तै अर्काे खेलमा एट्लेटिको मड्रिडले रियल ओभिडोलाई २–० ले पराजित गरेको छ । एट्लेटिकोको जितमा मार्कस लोरेन्टे र पाब्लो वारिओसले गोल गरे ।
यस्तै रियल साेसिडाड, रियल मलाेर्का, बार्सिलाेना र डिपाेर्टिभाे अलाभेसले पनि अन्तिम १६ काे यात्रा तय गरेका छन् ।साेसिडाडले लगराेनेसलाई १–०, रियल मलाेर्काले पाेन्टेभेड्रालाई अतिरिक्त समयमा २–०, बार्सिलाेनाले सिएफ इन्टरसिटीलाई अतिरिक्त समयमा ४–३ र डिपाेर्टिभाे अलाभेसले रियल भालाडाेलिडलाई १–० ले परािजत गरेकाे छ ।
