ब्राजिली फरवार्ड नेयमार चम्कँदा शीर्षस्थानमा रहेको पेरिस सेन्ट जर्मेन (पिएसजी) ले फ्रेन्च लिग वानमा लोरिएन्टलाई पराजित गरेको छ ।
पिएसजीले लोरिएन्टलाई उसकै मैदानमा २–१ को जित निकालेको हो । पिएसजीको जितमा नेयमारले एक गोसँगै असिस्ट प्रदान गर्दा डानिलो परेराले अर्काे गोल थपे । लोरिएन्टका तेरेम मोफीले एक गोल फर्काए ।लोरि
एन्टमा आइतबार राति भएको खेलको नवौं मिनेटमा नेयमारको गोलबाट पिएसजीले १–० को अग्रता लिन सफल भयो । उनले ह्युगो इटिकेको पासमा गोल गर्न सफल भएका थिए ।
५३औं मिनेटमा तेरेम मोफीले गोल गर्दै खेललाई १–१ गोलको बराबरीमा ल्याए । उनले इन्जो लि फिको पासलाई सदुपयोग गर्दै लोरिएन्टलाई खेलमा फर्काउने संकेत दिए । त्यसपछि ८१औं मिनेटमा नेयमारको पासमा डानिलो परेराले गोल गर्दै पिएसजीलाई २–१ को महत्वपूर्ण जित दिलाए ।
यस जितसँगै शीर्षस्थानमा रहेको पिएसजीको १४ खेलबाट ३८ अंक पुगेको छ । पराजित लोरिएन्ट २७ अंक जोडेर चौथो स्थानमा रहँदा तेस्रो स्थानमा उक्लने मौका गुमाएको छ ।
