स्पेनिस टेनिस स्टार राफायल नाडाल युएस ओपन टेनिसको चौंथो चरणबाट बाहिरिएका छन् । न्युयोर्कमा सोमबार राति भएको खेलमा नाडाल अमेरिकाका फ्रान्सेस टियाफोईसँग ३–१ को सेटमा पराजित भएका हुन् ।
विश्व वरीयताको तेस्रो स्थानमा रहेका नाडाललाई फ्रान्सेसले ६–४, ४–६, ६–४ र ६–३ ले हराए । योसँगै सर्वाधिक २३ पटक ग्रान्डस्लाम जित्ने नाडालको सपना चकनाचुर भएको छ ।
नाडाल २०२२ को ग्रान्डस्लाम प्रतियोगितामा पहिलो पटक पराजित भएका हुन् । कीर्तिमानी २२औं पटकको ग्रान्डस्लाम विजेता नाडालले चारपटक युएस ओपनको उपाधि जितेका छन् । अब २४ वर्षीय फ्रान्सेस टियाफोईले नवौ वरीयताका रसियन एन्डरे रुवलेभसँग प्रतिस्पर्धा गर्नेछ ।
पेटको चोटका विम्वलडन टेनिसबाट वाक ओभर दिएका नाडालले त्यसअघि अष्ट्रेलियन ओपन र फ्रेन्च ओपनको उपाधि जितेका थिए । त्यही चोटको बावजुत पनि उनले युएस ओपन खेल्ने निर्णय गरेका थिए ।
