इमर्सन रोयल र ह्युङ मिन सनले गोल गरेपछि टोटेनहम हटस्परले इंग्लिस प्रिमियर लिगमा वेस्ट ह्याम युनाइटेडलाई पराजित गरेको छ ।
टोटेनहमले घरेलु मैदानमा वेस्ट ह्यामलाई २–० ले पराजित गरेको हो । दुवै गोल दोस्रो हाफमा भएको थियो । टोटेनहम हटस्पर स्टेडियममा आइबार राति भएको खेलमा पाहुना टोली वेस्ट ह्यामले टोटेनहमलाई पहिलो हाफमा बराबरीमा रोक्न सफल भएपनि दोस्रो हाफमा रोक्न सकेन ।
५६औं मिनेटमा इमर्सनले गोल गर्दै टोटेनहमलाई १–० को अग्रता दिलाए । उनले बेन डेभिसको पासमा गोल गर्न सफल भएका थिए । ७२औं मिनेटमा सनले गोल गर्दै टोटेनहमको अग्रता दोब्बर पारे । उनले ह्यारी केनको पासमा गोल गर्न सफल भए ।
यस जितसँगै चौथो स्थानमा रहेको टोटेनहमको २४ खेलबाट ४२ अंक पुगेको छ । पराजित वेस्ट ह्याम २३ खेलबाट २० अंक जोडेर १८औं स्थानमा छ ।
