इंग्लिस प्रिमियर लिगमा टोटेनहमले घरेलु मैदानमै एस्टन भिल्लासँग हार भोगेको छ । टोटेनहम घरेलु मैदानमा एस्टन भिल्लासँग २–० ले पराजित भएको हो ।
भिल्लाको जितमा इमिलिएनो बुइन्डा र डगलस लुइजले गोल गरे । टोटनहम हटस्पर स्टेडियममा आइतबार राति भएको राति भएको प्रतिस्पर्धात्मक बनेको खेलको पहिलो हाफ गोलरहित बराबरीमा सकिदा भिल्लाले दोस्रो हाफका दुई गोल गर्दै जित पक्का ग¥यो ।
खेलको ५०औं मिनेटमा इमिलिएनो बुइन्डाले गोल गर्दै पाहुना टोली भिल्लालाई १–० को अग्रता दिलाए । उनले ओली वाट्किन्सको पासमा गोल गर्न सफल भएका थिए ।
त्यसपछि डगलस लुइजले ७३औं मिनेटमा गोल गर्दै लिभरपुलको जित पक्का गरे । उनले परिवर्तित खेलाडी जोन म्याक्जिनको पासमा गोल गर्न सफल भएका थिए ।
घरेलु मैदानमा टोटेनहमले बल पोसेसन राख्दै पाहुना टोलीमाथि दवाव बढाएपनि गोल गर्न नसक्दा त्यसको विपरित भिल्लाले पाएको अवसरको सदुपयोग गर्दै जित निकाल्न सफल भयो ।
यस जितसँगै भिल्ला १७ खेलबाट २१ अंक जोडेर १२औं स्थानमा यथावत रहेको छ । पराजित टोटेनहमले चौथो स्थानमा उक्लने मौका गुमाउँदा १७ खेलबाट ३० अंक जोडेर पाँचौ स्थानमा यथावत् रहेको छ ।
