युइएफए च्याम्पियन्स लिग फुटबलमा म्यानचेस्टर सिटीले अपराजित यात्रा कायमै राखेको छ ।
समूह जीमा रहेको सिटीले गएराति एफसी कोपेनहेगनलाई ५–० गोल अन्तरले पराजित गरेको हो ।
घरेलु मैदानमा जित दिलाउनेक्रममा एर्लिङ हालान्डले २ गोल गर्दा रियाद मेहरेज र जुलियन अल्र्भारेजले एक एक गोल थपेका थिए ।
१ गोल भने उपहार पाएको थियो ।
सातौं मिनेटमा हालान्डले गोल गर्दै सिटीलाई अग्रता दिलाए ।
३२ औं मिनेटमा हालान्डले नै दोस्रो गोल गर्दा सिटीले अग्रता पनि दोब्बर बनाएको थियो ।
३९ औं मिनेटमा उल्टै सिटीले उपहार गोल पायो । कोपेनहेगनका डेभिड कोचोभालाले आफ्नै पोस्टमा गोल गरेपछि सिटी ३–० ले अघि बढ्यो ।
५५ औं मिनेटमा मेहरेजले पेनाल्टीमार्फत गोल गरेपछि सिटी फराकिलो जित तर्फ अग्रसर भएको थियो ।
७६ औं मिनेटमा अल्भारेजले गोल गर्दै सिटीलाई ५–० को जित दिलाए ।
यही समूहमा रहेको बोरुसिया डर्टमुन्डले सेभिल्लालाई ४–१ गोल अन्तरले पराजित गरेको छ ।
समूह जीमा म्यानचेस्टर सिटी ९ अंकका साथ शीर्ष स्थानमा रहँदा बोरुसिया डर्टमुन्ड ६ अंकका साथ दोस्रो स्थानमा रहेको छ ।
सेभिल्ला र कोपेनहेगनको १–१ अंक रहेको छ भने उनीहरु तेस्रो र चौथो स्थानमा छन् ।
