नटिङ्घम फरेस्टले इंग्लिस प्रिमियर लिगमा आइतबार बलियो चेल्सीलाई १-१ को बहादुरीपूर्ण बराबरीमा रोकेको छ । चेल्सीले रहिम स्टर्लिङको गोलले अग्रता लिएपछि फरेस्टका लागि सर्गे एउरिरले बराबरी गोल फर्काए ।
फरेस्टले एक गोलले पछाडि रहेको स्थितिमा लिगमा अंक जितेको यो पहिलोपल्ट हो । यस्तै फरेस्ट सबै प्रतियोगितासहित घरका पछिल्ला ६ खेलमा अपराजित रहेको छ ।
चेल्सी २५ अंकका साथ आठौं स्थानमा छ भने फरेस्ट १४ अंकका साथ १८ औं स्थानमा उक्लेको छ । आइतबारकै अर्को खेलमा टोटनहमलाई एस्टन भिल्लाले घरमै २-० को गोलअन्तरले पराजित भयो । यस हारपछि टोटनहम ३० अंकका साथ पाँचौं स्थानमा छ ।
