फ्रान्सेली फरवार्ड एन्टोइन ग्रिजमनको गोलमा एट्लेटिको मड्रिडले स्पेनिस ला लिगामा महत्वपूर्ण जित निकालेको छ ।
एट्लेटिकोेले घरेलु टोली एथलेटिको बिल्वाओलाई उसकै मैदानमा १–० ले हराएको हो । सान मेमेज वारिया बिल्वाओमा शनिबार राति भएको रोमाञ्चक र प्रतिस्पर्धात्मक खेलमा एट्लेटिकोको जितमा दोस्रो हाफमा ग्रिजमनले गरेको गोल नै निर्णायक बन्यो । ृनले ४७औ मिनेटमा गोल गरे ।
खेलको १०औं मिनेटमा अल्भारो मोराटाले गोल गरेपनि उनको गोलले मान्यता नपाउँदा उनको गोलले भिएआरबाट मान्यता नपाउँदा एटलेटिकोले अग्रता लिन सकेन । उक्त गोलको मुभमा फउल देखिएको थियो ।
त्यसपछि ग्रिजमनले ४७औं मिनेटमा मोराटाको पासमा गोल गर्दै एट्लेटिकोलाई १–० को अग्रता दिलाए । यससँगै ग्रिजमनले ला लिगामा एट्लेटिकोबाट १ सय गोल गपूरा गरेका छन् ।
उनले यसअघि २०१४–१५ को सिजनदेखि २०१८–१९ को सिजनसम्म ९४ गोल गरेका थिए । त्यसपछि २०२१–२२ को सिजनदेखि हालसम्म ६ गोल गर्न सफल भएका छन् । त्यसपछि गोल निस्कन नसक्दा एट्लेटिको विजयी हुन सफल भयो ।
यस जितसँगै एट्लेटिको ९ खेलबाट १९ अंक जोडेर तेस्रो स्थानमा उक्लिएको छ । पराजित एथलेटिको बिल्वाओ १७ अंक जोडेर तेस्रो स्थानमा धकेलिएको छ । समान २२ अंक रहेपनि गोलअन्तरमा बार्सिलोना शीर्ष तथा रियल म्याड्रिड दोस्रो स्थानमा छ ।
