बंगलादेशको राजधानी ढाकामा जारी काभा यु २३ पुरुष भलिबल च्याम्पियनसिपमा नेपालले आज सेमिफाइनल खेल्दै छ।
प्रतियोगितामा सहभागि ४ टिमले एक अर्कासँग खेलेपछि वरियता निर्धारण भएको छ।
सोही वरियता अनुसार नेपाल चौथो स्थानमा रहेको छ।
समूह चरणका सवै ३ खेलमा पराजित भएको नेपालले आज शीर्ष वरियतामा रहेको घरेलु टोली बंगलादेशसँग खेल्न लागेको हो।
उता बंगलादेशले भने सवै खेल जित्दै शीर्ष स्थानमा आफूलाई राखेको छ।
नेपाल र बंगलादेशबीचको पहिलो सेमिफाइनल खेल दिउँसो ३ बजे हुने छ।
समूह चरणका कुनै पनि खेलमा नेपालले १ सेट पनि जितेकाे छैन। सवै खेल सिधा सेटमा सुम्पिएकाे छ।
यसैगरी दोस्रो सेमिफाइनलमा कीर्गिस्तान र श्रीलंकाबीच प्रतिस्पर्धा हुने छ।
आजको विजेताले उपाधिका लागि खेल्ने छन्।
