इटालियन सिरी ‘ए’ मा एसी मिलानले जित निकाल्दा इन्टर मिलानले हार बेहोरेको छ । मिलानले इम्पोलीलाई उसकै मैदानमा ३–१ ले पराजित गरेको हो ।
इम्पोलीको मैदानमा मिलानको जितमा एन्टी रेबिक, फोडे बालो र राफयल लियोले गोल गरे । इम्पोलीका निदिम बजरामीले एक गोल फर्काए ।
इम्पोलीमा शनिबार राति भएको प्रतिस्पर्धात्मक खेलको ७९औं मिनेटमा एन्टी रेबिकले गोल गर्दै मिलानलाई १–० को अग्रता दिलाए । उनले राफयल लियोको पासमा गोल गर्न सफल भएका थिए । त्यसपछि इन्ज्युरी समयमा तीन गोल निस्कदा मिलानले जित निकाल्न सफल भयो ।
इन्ज्युरी समयको थप गरिएको दोस्रो मिनेटमा निदिमले गोल गर्दै खेललाई १–१ गोलको बराबरीमा ल्याए । तेस्रो मिनेटमा फोडेले गोल गर्दै मिलानलाईपुनः २–१ को अग्रता दिलाए । त्यसपछि सातौं मिनेटमा राफयल लियोले गोल गर्दै मिलानको जित पक्का गराए ।
यो जितसँगै मिलान ८ खेलबाट १७ अंक जोडेर तेस्रो स्थानमा उक्लिएको छ । इम्पोली ७ अंक जोडेर १४औं स्थानमा रहेको छ ।
अर्काे खेलमा इन्टर मिलान घरेलु मैदानमा सुरुवाती अग्रता लिनका बावजुत रोमासँग २–१ ले पराजित भएको छ । इन्टरका फेडरिको डिमार्काेले गोल गर्दा रोमाका पाउलो डिबाला र क्रिस स्मलिङले गोल गरे ।
यो नतिजापछि रोमा ८ खेलबाट १६ अंक जोडेर पाँचौ स्थानमा रहँदा इन्टर १२ अंक जोडेर सातां स्थानमा रहेको छ ।
